Menu
Inicio / Antaminapa Kawaynin / Nunakunapaq rurakuy / Arukuy Wayiikuna

Arukuy Wayiikuna

En Antamina brindamos un excelente servicio de hospedaje en el campamento Yanacancha y el Puerto Punta Lobitos

Kay arukur wayiikuna patsatsiyanqachawmi llapan aruqniikunata chaskiyaa, paykuna llapanyuq kayaananpaq, shumaq taarayananpaq, alli arukuyaananapaq, alli wayichaw taarayan. Tsaypaqmi shumaq arukuyaananpaq llapanniikuna kan, aruqniikunapaq hina empresapa yanapakur arupakuqniikunapaqwan, kaykunam kayan: carru puritsiyaananpaq, pachankuna qarakuy hina punuyaananpaq pununa wayi.

Tsayraykurmi, llapan aruqniikunapaq hina yanapakur arupakuqniikunapaqwan  alli  alli kawaynin quyaa, kay taakuna yanacanchachawmi hina punta lobistuchawmi shumaq punukuyaananpaq pununa wayin quyaa; kay pununakunam huk pitsaqyuq, alli alli  paqakuyaananpaqpis kanmi niykur kay pununakuna quñuq wayrayuqmi kayan, tsaypita televisionpis cabliyuqmi.

Tsaynawllam, alli alli rikapashpa yanushqata arukuqkunata pachankuna qaratsiyaa. Allaapa allim riqitsikuyaanaa, mikuy qarakuyanqa wayitam hatuntana patsatsiyarquu, kaychaw allaapa allim qarakuyaa, kay mikunapaq wayi hukkunapitapis allaapa hatunmi, kaymi rara 4,200 msnmchaw. Kaychawmi mana pitapis mana alli mikuy ratananpaq alli shumaq mikuykunata rikaykur ruratsiyaa; kay hatun kasta antaminapaq, llapaakuna mikuyaanaapaqmi, kay yanushqatam limpu shumaq mankakunawan ruratsiyaa.

Hinam, arukuqkunapa ratashninkunata taqshatsiyaa, hina quñuq yakuta munayanqan hora upuyaananpaqpis atska arukuyanqanpa kanmi. Niykur arukuqniykuna kushi kushi kayaananta munar, pukllakuyaananpaqpis pampa, wayikuna patsatsishqa kanmi, ayqikachayaananpaqpis kanmi, tukuy nikachaq patsatsishqa pintikachayaananpaqpis kanmi. Tsaynawllam hina huk wayi pukllayaananpaq internetyoq kan, mesachaw pukllay hina televisinchaw pukllaykunapis kanmi.

Tsay punta lobitus taakunachaw (PPL) qucharaq yakupis nadayaananpaq kanmi, ishkay pampa pelotata hitayaananpaq, huk pampa tukuyta pukllakuyaananpaq hina huk wayi tukuy nikachaqta pukllakuyaananpaq. Kay pukllakunapaq wayikunam, pampakunam allaapa alli llapan aruq pura alli apanakuyaananpaq hina hamayninkunachaw antaminapaq aruqwan empresakunapaq aruqkuna pukllakuyaananpaq, kaynaw yachanakurmi alli alli patsata rurayan shumaq arukuyaananpaq hina kikin pura shumaq apanakuyaananpaq.

Allaapa allim kay willakuyta riqitsikuyaanaa, carruwan aruqkunata puritsiyaanaapaqnam ishkay chunka puwaq carru kan, kaykunam antaminapaq aruqkunapaq hina yanapakur aruqnunapaqwan.