Menu
Inicio / Antaminapa Kawaynin / Pitaq kantsik / Kananyaq Tarinqantsik Hina Allim Rurarqunki Ninakuy

Kananyaq Tarinqantsik Hina Allim Rurarqunki Ninakuy

Marca empleadora: Antamina elegida como la empresa más atractiva del sector minero

Premio nacional calidad 2014ta chaskinqan

 Kay llallinakuyta chaskir Antamina llapan minapitapis nawpachaw tikrakaarin; manam mayqan minapis alli rikashqa kayta tarirqanraqtsu; Antaminallam  llapanchaw alli arukunqanpita, alli rikashqa kayta, taririrqun. Kaymi nawpachaw kaypita, alli yarqupakuyaanapaq patsatsikuypita, rantiqnintsikta rikashpa arunqantsikpita, imaypis yachakushpa arunqantsikpita, arupakuqta rikashpa arukunqantsikpita, rurakunqantsikta rikashpaq hina aykata tarinqantsikta rikashpa arukunqantsikpita tarirquntsik.

Kay Comité de Gestión de la Calidadmi, ishkay chunka hatun wayikupnapa (Gobiernopa, Empresariokuna purwakaypa, yachakuy wayikunapa, Técnicokuna purwakaypa) purwakashqa kaykan, kaymi premio nacional calidadta qukun. Kay alli rikashqa kaytam llapanpitapis shumaq uryakushqa kaptin quyan. Kaytam minachaw, puertochaw hina Limachaw Antamina arukunqanta alli alli rikaykur quyarqun.

Llapan empresapita 10 rurinchaw, Más Admiradas del Perú 2014 y 2013, llallinakuychaw kay

 Llapanpitapis alli qillay rikaq hina qatukuy rikaq Perúchaw Price wáter house Coopers (PwC) hina  revista G de Gestión llallinakuy ruranqantam, kutiykur kay watapis  “Las Empresas Más Admiradas del Perú 2014” llallinakuyta chashkirquntsik. Perúchaw 1,500 allin empresapita, kaypita 4,500 ejecutivu pushaqninkunata tapukuykurmi akrayashqa, paykunatam qanchis imanawpis alli empresa kananpaq kaqta tapukuyarqun: imanawpis kanapaq alli rurakuyta, alli qillay apakuyta, mushuq rurakuy munayta, qatukunapaq rurakuyta hina imanawpis alli qatukunapaq rurakuyta, shumaq pushaqkuna arukuyanqanta, pushakuq purwakayta hina  nuna pura alli apanakuyta.

 Llapan empresapita 10 rurinchaw, las Mejores Empresas para Trabajar 2014 – Estudio MERCO, llallinakuychaw kay

 Rikapakuq español empresa reputacional MERCOm tapukushqa, tsaychawmi mayqankunataq empresa allapa alli arukunapaq tapukunqanchaw, pachak allí alli empresapita, Antamina chusku kaychaw. Niykur  arukuqkunapaq, universidadchaw yachakuqkunapaq, pushaqkunapaq, qatukuy yachaqkunapaq hina rantikuy yachakuq wamrakunapaqmi llapanpitapis chunka rurinchaw alli empresanaw Antamina kaykan; nishpa llapan minapitanam llapanpa puntachaw antamina yapay kaykan.

 Llapan empresapita, Empresa de mayor Reputación Corporativa en el sector minero, llallinakuychaw kay

 Empresa española Merco, Datum tapukuq hina Gestión de economía y negocios diarium; 415 empresa pushaqkunata, 260 yachaqkunata hina 1200 nunakunata tapukurirnin; llapan minapitapis Antaminam alli rikashqa nishpa riqimarquntsik, niykur Chunka empresa rurinchawmi allí arukuqnaw rikashqa nishpa riqimarquntsik, hina Perú markachaw llapam empresapita alli  pushakuq purwakayyuqmi nishpa riqimarquntsik.

 Llapan empresapita, Número uno en las Empresas Preferidas para Trabajar 2013 – Estudio Arellano y Laborum, llallinakuychaw kay

 Tsayraq Arellano y Laborum tapukuq empresa, 1er Estudio de Marca Empleadorata, rurar,  9,200 peruanukuna tapukuyanqanchawmi, atska peruanukuna antaminachaw arukuyta munayan,  tsaychawmi llapan empresapitapis akrashqa karquntsik. “Dónde Quiero Trabajar”, nishqa rikayanqanchawmi, Antamina llapanpa nawpanchaw yarqushqa, hina llapan minapa nawpanchawmi kaykan.

 Llapan empresapita, X Premio Perú 2021 a la RSE y Desarrollo Sostenible de las Empresas 2013, llallinakuychaw kay

 Sector publikuwan, sector privaduwan, hinan taaraq nunakunawan  mesa de desarrolluchaw palaykur arukunqanpitam, alli modelo de gestión socialninpita, Antamina alli riqishqa kayta chaskirqun. Perú 2021 – mana qillay ashikuq asociación, RSE Perúchaw ashiq hina Pontificia Universidad Católica del Perúwanmi, ishkan premiacionta rurayarqun, kaytam llapan empresakuna Perú suyuwa aanikushqa arukuyaananta ashin,  niykur Sector publikuwan, sector privaduwan, hinan taaraq nunakunawan palakur arukuyaananta  ashin.

 Llapan empresapita, Premio IPAE – “Luis Hochschild Plaut” 2013, llallinakuychaw kay

 Kay IPAE institutu, llapan empresariokuna Perú CADE 2013 purwakay rurarqanchawmi, premio ‘Luis Hochschild Plaut’ta Antamina chaskirqun, kaytam artita hina Perú kawakuyta riqitsikunqampita  chaskirqun. Kaytam “Investigación arqueológica y conservación del complejo arqueológico Chavín de Huántar”, niq proyectuchaw wamrakuna yachakuyaananpaq yanapakunqanpita hina suyuntsikchaw imaypis yachakuyaananpaq yanapakunqanpita chaskirqun.

 Llapan empresapita, Premio Desarrollo Sostenible de la Sociedad Nacional de Minería, Petróleo y Energía 2013, llallinakuychaw kay

 Antaminam  kay proyecto de Bosques de Qinualeswan  (Polylepiswan) mama patsantsikta shumaq taapanqanpita alli rikashqa kayta chaskirqun.

 Llapan empresapita, Premio a la Empresa Exportadora con Responsabilidad Social, llallinakuychaw kay

 Exportadorkunapa asociacionnin hina Perúpa Banco de Créditunmi, imanawpis arukuyanqanpita, rurakuyanqanpita, tsaynaw nunata, hiñan taaraqkunata, alli mama patsata alli rikar, shumaq  apanakur arukuyanqanpitam antaminata allí riqir quyashqa.

 Llapan empresapita, Una de las compañías mineras más seguras del País, llallinakuychaw kay

 Instituto de Seguridad Mineram (ISEM), llapan tajo abiertu minapitam, Maakuq maakuq arukunqantsikpita  pitsqa nawpa rurinchawmi riqishqa kanntsik. Pasaq watachaw alli Antamina kanqanta rikaarirmi, 2012 watata chawpikarna kay riqikuyta  quyarqun. Kay riqikuytam aruqunqantsikchaw mana imapis pasakunqanpita, mana tiemputa uqrashpa arukunqantsikpita chaskirquntsik.  Kaymi Energía y Minapa Ministerun pipis maakuq maakuq arukunqanpita  estadisticata hurqayanqanchaw kaykan.

 Llapan empresapita, Premio Creatividad Empresarial 2012, llallinakuychaw kay

 Universidad Peruana de Ciencias Aplicadasmi (UPC) kay Bosque de Huarmey proyectu ruranqanwan,   mama patsantsikta taapanqanraykur antaminata premiun quyarqun.

 Kay murukuywanmi, unay mana muruna 177 hectaria patsata murur qallayarqun, tsaypaqmi mineral aptatsinapaq Puerto Punta Lobistusyaq (Huarmey) mineral apaq yakuta, kutipar iñishir kantsik.

 Kay allpam unay chunka ishkay watakuna, Perú costachaw achachaychaw hitarakuq allpa karkan; kananmi muruyanqan hachakuna shumaq mama patsata kamayashqa, kay hachakunam shumaq wayrata, shunmaq patsata alliyaatsiyashqa.