Menu
Inicio / Salur hina maakuq maakuq arukuy / Rurakunapaq hina maakuq maakuq arukuy – OHSAS 18001

Rurakunapaq hina maakuq maakuq arukuy – OHSAS 18001

Para Antamina la salud y la seguridad de nuestros colaboradores y socios estratégicos es una prioridad

Antaminapaqqa nawpachawmi aruqniikunapa hina yanapakur arupakuqniikunapawan salurnin hina maakuq maakuq arukuynin, tsaymi, ichik mana alli pasakunanta ashiyaa, niykur mana ima pasakunanta arukuyanqachaw ashiyaa, ceru lesiones nishpa hina ceru accidentes nishpa.

Tsayraykurmi, waqta  markapa riqishqa kantik, tsaymi  OHSAS 18001ntsik kapamantsik, kaymi arukunqantsikchaw alli rurakunantsikpaq chakin churan, niykur aruqniikunata hina yanapakur arupakuqniikunatawan mana ima pasananta ashin.

 Tsayraqmi, ISO 14001pa riqishqa kantsikta, kaymi mama patsa allíitaapanqantsikpita, kaynawmi ishkan alli riqishqa kanqantsikta takurquntsik, shumaq arukur.

Tsaymi, aruq taapaq nunantsikkunapa  taapamanqantsikchaw  kimsa rurayninkuna kan:

  • Aruqpa salurnin rikay
  • Maakuq maakuq arukuy
  • imapis pasakuqtin sas yanapakuy
Aruqpa salurnin rikay

 

Nawpachawmi antaminapaq nunakuna, aruq taapaq nunantsikkuna. Tsaymi, nuqakuna llapan aruqniikunapaq hina yanapakur arupakuqniikunapaq  alli salurnin kananta ashiyaa, kaypaqmi unaypita manaraq qishyayaptin rikapaayaa, kaypaqmi llapan hatun kasta antaminata killan killan mana qishyayaananpaq rikapaaraykayaa.

Tsaynawmi antaminachawqa llapan aruqniikunapa alli salurnin kananta ashiyaa. Tsaypaqmi, kay vida saludableta patsatsiyarquu, kaymi llapan aruqniikuna mana qishyaayananta ashin, aruqkuna alli kayaananpaq: kallpankunachaw hina allí umankuna kananta.

Tsaynawmi mana imapis pasakunanta ashiyaa, tsaypaqmi aruqkunapa salurninta rikaparaykayaa hina watachaw imanawpis kanqanta rikaapayaa – llapan aruqniikunata – kayqa manam imapis pasakuptinllapaqtsu, kayqa mayqan aruqniikuna hina yanapakur arupakuqniikuna qishyayaananta rikapayaanaapaqmi. Niykur, tsaynawllam, nawpachaw aruqkuna alli paqapakuyaanan,   shumaq kawakuy antaminachaw kananpaq, tsayraykurmi wayikuna patsashqa  shumaq kawakunapaq, tsaynawpa alli  arukur yarqupakunapaq.

Kaykunaraykurmi alli nawpachaw aruqpa salurnin rikaychaw kaykantsik, tsaymi  kay rurakunqantsikpita, OHSAS 18001:2007pa riqishqa kaykantsik.

Maakuq maakuq arukuy

 

Nawpachawmi antaminapa arukuyninchaw, maakuq maakuq kay. Tsayraykurmi, kikintsik pura imaypis aaninakushqa kanantsik, ni imapis pasashqa arukunqantsikchaw kanapaq, maakuq maakuq arukuyta hina mana imapis pasakuyta ashishpa.  Tsaymi, kay llapanta tarinapaq, llapantsik kay hatun kasta Antaminachaw yanapakunantsik. Tsaynawmi,  arukuq pura yanapanakur, allí rurapakur hina kikintsik pura taapanakur, patsatsirkuntsik shumaq kawakuyta, maakuq maakuq arukuyta, llapantsik pura taapanakushpa, maakuq maakuq arukuychaw mana  imapis pasakunata asir.

OHSAS 18001:2007 waqta markachaw alli riqishqa kanqantsikta tarinqantsikmi,  munanqantsikta rikatsikun. Kaymi yanapamantsik, tsaynawlla shumaq arukunapaq, imaypis riqishpa, rikapashpa, allI kanqanta rikar, willanakur, mayyaqpis imapis kanqanta niykur imapis mana pasakunanpaq rikapakur llapantsik arukunqantsikta.

Imapis pasakuqtin sas yanapakuy
 

Mineru empresakunachawmi – metal hipiqchaw –  pitapis imapis pasallanan aruykaptin kan, kaymi mama patsapa makinpa kanman, hirka huchuptin kanman, maquina mana alli kaptin hina pipis mana alli arupakuptin kanman. Tsaymi, makuq makuq  imapis pasakunanta kaykanantsik. Tsaypaq, antaminachaw alli yachaq nunakuna kapamantsik, paykunam kaychaw hina waqtachaw  imapis pasakuptin yanapakuyaananpaq alli alli yachakushqa kaykaayan.

Imapis pasakuptin, nuqakunapaq nawpachawmi nunapa kawaynin kaykan, nunapa salurnin hina mana imapis aruqkunata pasananmi kaykan, tsaynawllam nuqakunapaq mama patsa alli kakunanpis.  Tsaypaqmi, huk nunakuna allí yachakushqa kayan, imapis pasakuqtin sas yanapakuyaananpaq, tukuy nikachaq yanapakuychaw – waskawan yanapakuychaw hina carru tikrakashqa yanapakuychaw -, ninawan rupapakushqa, niykur hukkunachawpis. Tsaypaqmi kay sas sas yanapakuq nunakuna, killan killa imapis pasakuptin yanapakuyaananpaq yachakuraykayan.